جىمىلقتا يەتتە خاسىيەت بار. بىرىنچى: ئۇ زىبۇ - زىننەتسىز گۈزەللىك. ئىككىنچى: سەلتەنەتسىز ھەيۋە قۇدرەت. ئۈچۈنچى:مېھنەتسىز ئىبادەت. تۆتىنچى: سېپىلىسىز قۇرغان. بەشىنچى: ئۈزرىدىن قۇتۇلۇش. ئالتىنچى: پەرىشتىدەك ئازاتلىق. يەتتىنچى: ئەيىپلەردىن خالىلىق.

ئىلىم ۋە ئىلىم ئەھلى ھەققىدە ھېكىمەتلەر

قېرىندىشىم،سەن ئىلىمگە پەقەت زېرەكلىك، قىزغىنلىق، تىرىشچانلىق، يېتەرلىك خىراجات، ئۇستاز سۆھبىتى ۋە ئۇزۇن زامان سەرپ قىلىشتىن ئىبارەت ئالتە خىل ئامىل بىلەنلا ئېرىشەلەيسەن.

ئىلىم تەھسىل قىلىش يولىدا يۇرت - ۋەتەندىن ئايرىلىپ سەپەرگە چىق!چۈنكى سەپەرلەردە غەم - ئەندىشنىڭ كۆتۈرۈلۈپ كېتىشى، تۇرمۇش يولىنى تېپىش،ئىلىم مەرىپەت ئىگىلەش،ئەدەپ - ئەخلاق ئۆگۈنۈش ۋە ئېسىل زاتقا ھەمسۆھبەت بولۇشتىن ئىبارەت بەش خىل پايدا بار.

مۇھەممەد ئىبنى ئىدرىس شافىئىي

مېنىڭ سۆھبىتىمگە بىدئەتچى،تەنچى،ھەسەتخور، ئەدەپسىز، ئېغىزى مەينەت، ھەقتىن چەتنىگەن ئازغۇنلارنىڭ ھازىر بولىشىنى ياقتۇرمايمەن.

ئەھمەد ئىبنى ئۆمەر زەھھاك

تارتىنچاق بىلەن ھاكاۋىر ئىلىم ئۆگۈنەلمەيدۇ.

شەيتانغا مۇلايىم ئالىمدىن يامان نەرسە بولمايدۇ.ئۇ سۆزلىسە ئىلىم بىلەن سۆزلەيدۇ. توختىسا مۇلايىملىق بىلەن توختايدۇ.شەيتان ئېيتىدۇكى: «ئۇنىڭغا قاراڭلار!ماڭا ئۇنىڭ سۆزلىگىنى ئۇنىڭ جىم تۇرغىنىدىن قاتتىقراق تۇيۇلىدۇ».