2026-يىلى 4-ئاپرېل
2026-يىللىق پۇتبول دۇنيا لوڭقىسىنىڭ تاللاش مۇسابىقىلىرى ئاخىرلىشىشقا ئەگىشىپ، تۈركىي دۆلەتلەر ئىچىدە تۈركىيە ۋە ئۆزبېكىستان ھەل قىلغۇچ باسقۇچقا كىرىش بەختىگە ئېرىشتى. بۇ قېتىمقى دۇنيا لوڭقىسى تۈرك پۇتبول تارىخىدىكى مۇھىم بىر بۇرۇلۇش نۇقتىسى بولۇپ قالغۇسى.
تۈركىيە 24 يىلدىن كېيىن دۇنيا سەھنىسىدە
تۈركىيە دۆلەت كوماندىسى 2026-يىلى 31-مارت كۈنى ياۋروپا رايونى تاللاش مۇسابىقىسىنىڭ ھەل قىلغۇچ باسقۇچىدا كوسوۋونى 0-1 نەتىجە بىلەن مەغلۇپ قىلىپ، دۇنيا لوڭقىسىغا بېرىش بېلىتىنى قولغا كەلتۈردى. بۇ تۈركىيەنىڭ 24 يىلدىن بۇيانقى تۇنجى قېتىم دۇنيا لوڭقىسىغا كىرىشىدۇر. تۈركىيە ئەڭ ئاخىرقى قېتىم 2002-يىللىق دۇنيا لوڭقىسىغا قاتناشقان ۋە دۇنيا بويىچە 3-بولغان ئىدى.
ئۆزبېكىستان ئۈچۈن تارىخىي غەلىبە
ئۆزبېكىستان دۆلەت كوماندىسى 2025-يىلى 5-ئىيۇن كۈنىلا ئاسىيا رايونى تاللاش مۇسابىقىسىنىڭ 3-باسقۇچىدا گۇرۇپپىدا ئالدىنقى ئىككىنچى بولۇش نەتىجىسى بىلەن سالاھىيەتكە ئېرىشىپ بولغانىدى. بۇ ئۆزبېكىستان پۇتبول تارىخىدا تۇنجى قېتىم دۇنيا لوڭقىسىنىڭ ھەل قىلغۇچ باسقۇچىغا كىرىشى بولۇپ، پۈتكۈل ئوتتۇرا ئاسىيا پۇتبول ساھەسىدىكى زور مۇۋەپپەقىيەت دەپ باھالاندى.
باشقا تۈركىي تىللىق دۆلەتلەرنىڭ ئەھۋالى
بۇ قېتىمقى تاللاش مۇسابىقىلىرىدە باشقا تۈركىي تىللىق دۆلەتلەر كۆڭۈلدىكىدەك نەتىجە قازىنالمىدى:
-
ئەزەربەيجان: ياۋروپا رايونى D گۇرۇپپىسىدا 6 مەيدان مۇسابىقىدىن ئاران 1 نومۇرغا ئېرىشىپ، گۇرۇپپىدا ئەڭ ئاخىرقى ئورۇندا قالدى.
-
قازاقىستان: ياۋروپا رايونى J گۇرۇپپىسىدا 4-ئورۇنغا تىزىلىپ، كېيىنكى باسقۇچقا ئۆتەلمىدى.
-
قىرغىزىستان: ئاسىيا رايونى تاللاش مۇسابىقىسىنىڭ 3-باسقۇچىغا كەلگەن بولسىمۇ، گۇرۇپپىدا 5-ئورۇننى ئېلىپ تاللىنالمىدى.
-
تۈركمەنىستان: ئاسىيا رايونى 2-باسقۇچىدىلا ئىران ۋە ئۆزبېكىستاننىڭ ئارقىدا قېلىپ، مۇسابىقىدىن چۈشۈپ قالدى.
نۆۋەتتە، 2026-يىللىق دۇنيا لوڭقىسىدا تۈركىي دۆلەتلەرنىڭ شەرفىنى قوغداش ۋەكىللىكى پەقەت تۈركىيە بىلەن ئۆزبېكىستاننىڭ زىممىسىدە قالدى.